Aktual mövzular: Dollar alış-satışı, Neftin qiyməti, COP29, Hava proqnozu

Yeni “Windows 11” versiyası açıqlanıb

Yeni “Windows 11” versiyası açıqlanıb

Tarix: 24 Iyun 2021 21:12

"Microsoft" korporasiyaı "Windows 11" əməliyyat sistemindən başqa onun sadələşdirilmiş versiyasını təqdim edəcək. Bu barədə "XDA Developers" nəşri məlumat yayıb.

Sonxeber.net ictnews.az-a istinadən bildirir ki, "Microsoft" əməliyyat sisteminin "11 SE" adlı versiyası mütəxəssislərin əlinə keçib. Bu, əməliyyat sisteminin istifadəçilərin imkanlarını xeyli məhdudlaşdıran sadələşdirilmiş versiyasıdır. Jurnalistlər tərəfindən əməliyyat sistemi təhlükəsizlik baxımından yalnız "Microsoft" mağazasında mövcud olan proqramları dəstəkləyən "Windows 10 Cloud Edition" sisteminin əvəzləyicisi adlandırılır.

Bununla yanaşı, əməliyyat sisteminin blogerlər tərəfindən açıqlanan versiyası hazırkı mərhələdə "Microsoft" proqramlarını açmır - bu çatışmazlığın təqdimata yaxın aradan qaldırılacağı gözlənilir. Bundan başqa, "Windows 11 SE" sistemində istifadəçi interfeysi vasitəsilə 1-dən çox lokal hesabı quraşdırmaq mümkün olmasa da, bunu komanda sətri ilə etmək olar.

"Windows 11 SE" sistemi təşkilatlar və təhsil müəssisələri tərəfindən istifadə edilə bilər. Əməliyyat sisteminin imkanlarının məhdudlaşdırılmasının mümkün səbəblərindən biri kimi onun təşkilatlar üçün nəzərdə tutulmaqla əməkdaşlar iş üçün lazım olan konkret proqramlarla məhdudlaşdırılması göstərilir.


Etiketlər:  Yeni Windows versiyası açıqlanıb


RƏYLƏR