Aktual mövzular: Dollar alış-satışı, Neftin qiyməti, COP29, Hava proqnozu
Tarix: 12 Avqust 2019 10:00
Bakı. Elnur Bağışov - Trend:
İranda gündəlik 810 milyon kubmetr təbii qaz istehsal olunur.
Trend-in məlumatına görə, bunu İranın Milli Qaz Şirkətinin rəsmisi Mehdi Cəmşidi Dana deyib.
M.Cəmşidi Dananın sözlərinə görə, bu göstərici isə 5 milyon barel xam neftə bərabərdir. o, əlavə edib ki, İranın qaz şəbəkəsi yetərinə böyükdür və qaz nəqli çox yaxşı formada həyata keçirilir:
“İranda 30 min kilometrdən çox boru xətti, 82 qaz təzyiqini gücləndirmə stansiyası, 296 turbo-kompressor mövcuddur”.
M.Cəmşidi Dananın sözlərinə görə, İranın qaz nəqli şəbəkəsi xətlər və avadanlıqların həcmi baxımından Asiyada birinci, dünyada isə dördüncü yerdə qərarlaşıb: “İran qaz nəqli baxımından dünyada rəqibsizdir”.
Trend-in ən mühüm və maraqlı xəbərlərini "Telegram"da izləyin