Aktual mövzular: Dollar alış-satışı, Neftin qiyməti, COP29, Hava proqnozu

Yaponiyada tufan dəyəri bir milyon dollardan baha olan heykəli dənizə aparıb - FOTO

Yaponiyada tufan dəyəri bir milyon dollardan baha olan heykəli dənizə aparıb - FOTO

Tarix: 11 Avqust 2021 20:26

Yaponiyanın Kaqava prefekturasına aid olan Naoşima adasında tufan məşhur yapon heykəltaraşı xanım Yayoi Kusamanın "Sarı balqabaq" heykəlini dənizə yuyub aparıb.

Sonxeber.net AZƏRTAC-a istinadən bildirir ki, üzərində qara dairələrin olduğu böyük balqabaq heykəli 1994-cü ildə ərazidə quraşdırılıb və həmin vaxtdan adanın əsas turizm obyektlərindən birinə çevrilib. Qeyd edək ki, heykəlin hündürlüyü təqribən 2 metrə çatır. Adətən onu tufan vaxtı ərazidən təhlükəsiz yerə aparmaq məqsədilə özülə möhkəm bərkitmirlər. Lakin bu dəfə tufan adanı gözlənilmədən ağuşuna aldığına görə, heykəli vaxtında götürmək mümkün olmayıb. Nəticədə külək onu qopararaq dənizə aparıb. Xoşbəxtlikdən balqabaq heykəli uzağa gedə bilməyib və külək onu yenidən sahilə qaytarıb.

Həmçinin bildirilir ki, konstruksiya bir neçə dəfə daşlara çırpıldığına görə, onun üzərində çatlar əmələ gəlib. Buna görə də dəyəri təqribən 1 milyon dollardan baha olan heykəli bərpa etmək üçün "Benesse Art Site" mədəniyyət mərkəzinə veriblər. Bərpa işləri başa çatdıqdan sonra "Sarı balqabaq" heykəlinin öz əvvəlki yerinə qaytarılacağı qeyd edilir.


Etiketlər:  Yaponiyada tufan dəyəri milyon dollardan baha olan heykəli dənizə aparıb FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ