Aktual mövzular: Dollar alış-satışı, Neftin qiyməti, COP29, Hava proqnozu

Şəhid Gizir Emin Alməmmədov - Murovdağ döyüşləri zamanı şəhid olub - VİDEO

Tarix: 9 Sentyabr 2021 14:26

Vətən müharibəsində əldə edilən parlaq qələbədə payı olan qəhrəmanlarımızdan biri də gizir Emin Alməmmədovdur. O, ötən il sentyabrın 27-də düşmənə qarşı əks-hücum əməliyyatı başlayanda düşmən üzərinə ilk atılanlardan biri idi. Qəhrəman gizirimiz oktyabrın 3-də Ömər zirvəsində şəhadətə ucaldı. Emin Alməmmədov ölümündən sonra 3 medalla təltif edilib.

Sonxeber.net Xəzər TV-yə istinadən bildirir ki, Şəmkirdə doğulub böyümüşdü. Gənc yaşlarından hərbçi olmağa can atırdı. MAXE kimi xidmətə başladı, sonra isə təhsil alıb gizir rütbəsinə yiyələndi. Sanki düşmənlə son savaşın yaxınlaşdığını görür və peşəkar hərbçi olmaq üçün durmadan irəli can atırdı. Söhbət 44 günlük vətən müharibəsinin qəhrəmanlarından biri olan Emin Alməmmədovdan gedir.

Bəli, övlad itkisi, ömür-gün yoldaşının həsrəti çox ağırdır. Ancaq müqəddəs bir savaşda şəhadətə yüksələnlərin adı doğmaları üçün həmişə qürur qaynağı olacaq.

Emin Alməmmədov oktyabrın 3-də Murov yüksəkliyi uğrunda gedən döyüşlərdə - Ömər zirvəsində şəhadətə ucalıb. O, ölümündən sonra "Vətən uğrunda", "Hərbi xidmətlərə görə" və "Kəlbəcərin azad olunmasına görə" medalları ilə təltif olunub.

Whatsapp ilə göndər