Aktual mövzular: Dollar alış-satışı, Neftin qiyməti, COP29, Hava proqnozu

Koronavirusdan sağalan uşaqlarda hələ də simptomlar qalır - Araşdırma

Tarix: 14 Sentyabr 2021 23:36

İsraildə aparılan araşdırmaya görə, hər 10 uşaqdan biri koronavirusu keçirdikdən sonra da xəstəliyin simptomlarını daşıyır.

Sonxeber.net medicina.az-a istinadən bildirir ki, Səhiyyə nazirliyi yaşları 3 ilə 18 arasında olan və koronavirusu keçirən 13 min 864 uşağın valideynləri ilə araşdırma aparıb.

Nəticələrə görə, virusu keçirən uşaqların 11 faizində xəstəlikdən sonra da əlamətlərə rastlanılıb.

12 yaşdan kiçik uşaqların 1,8, 12 ilə 18 yaş arasındakı uşaqların isə 4,6 faizində xəstəlikdən 6 ay sonra simptomlarla qarşılaşılıb.

İsraildə 200 mindən çox 18 yaşdan kiçik uşağın COVID-19-a yoluxduğu, bunlardan yarısının hər-hansı bir simptom göstərmədiyi bildirildi.
Qeyd edək ki, Təl-Əviv rəhbərliyi iyun ayında 12-15 yaş arası uşaqlara Covid-19 peyvəndi vurmağa başlayıb.

Whatsapp ilə göndər