Aktual mövzular: Dollar alış-satışı, Neftin qiyməti, COP29, Hava proqnozu

Süni intellekt “Gmail” xidmətində istifadəçilərin qrammatik səhvlərini düzəldəcək

Süni intellekt “Gmail” xidmətində istifadəçilərin qrammatik səhvlərini düzəldəcək

Tarix: 22 Avqust 2019 13:48

“Google” şirkəti “Smart Reply” adlı süni intellekt texnologiyasını “Gmail” elektron məktublar xidmətinə inteqrasiya edir. Məlumata görə, sözügedən texnologiya istifadəçilərin qrammatik səhvlərini düzəltməyə kömək edəcək.

 

“ICTnews” Elektron Xəbər Xidməti “hightech.fm” saytına istinadən yazır ki, süni intellekt real vaxt rejimində elektron məktubların mətnini təhlil edərək səhvlərin düzəlişi üçün öz variantlarını təklif edəcək. Mətndə tez-tez rast gəlinən qrammatik səhvlər qırmızı, mümkün səhvlər isə göy rənglə fərqləndiriləcək.

 

Bundan əvvəl “Google” şirkəti “Smart Reply” texnologiyasını sınaq rejimində “Google Docs” xidmətində tətbiq edib. Kompüter təliminə əsaslanan texnologiya müxtəlif tipli məktub və mətnlərdən ibarət məlumat bazalarını təhlil edir.

 

Hələ ki yeni funksiya yalnız ingilis dilini dəstəkləyən “Google G Suite” bulud xidmətinin istifadəçiləri üçün əlçatandır. İnternet nəhənginin rəsmisi yaxın vaxtlarda bu sistemin digər istifadəçilər üçün də əlçatan olacağına söz verib.

 

Emil Hüseynov




Etiketlər:  Süni intellekt Gmail xidmətində istifadəçilərin qrammatik səhvlərini düzəldəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ