Aktual mövzular: Dollar alış-satışı, Neftin qiyməti, COP29, Hava proqnozu

Sloveniya lokdauna hazırlaşır: reanimasiyalar 92% dolub

Tarix: 28 Oktyabr 2021 18:20

Sloveniyanın səhiyyə naziri Janez Poklukar deyib ki, əgər səlahiyyətlilər COVID-19 koronavirusunun yayılmasını dayandıra bilməsələr, Sloveniyada karantin elan oluna bilər. Associated Press bu barədə yazıb.

"Pandemiyanın əvvəlində qonşu İtaliyanı qorxu içində izlədik, amma indi peyvəndlərin aşağı səviyyəsinə görə özümüz çətin vəziyyətdəyik", - Poklukar deyib.

Sonxeber.net aviatravel.az-a istinadən bildirir ki, o qeyd edib ki, vəziyyət dəyişməsə, ölkədə karantin tətbiq oluna bilər. Son 24 saat ərzində Sloveniyada 3 mindən çox koronavirusa yoluxma qeydə alınıb. Ölkədə sonuncu dəfə bu ilin yanvarında belə yüksək sayda yoluxma halları aşkar edilmişdi.

Agentlik qeyd edir ki, hazırda Sloveniyada reanimasiya şöbələri 92% dolu olduğundan ölkə hakimiyyəti COVID-19 xəstələri üçün daha çox palata açmağı planlaşdırır.

Sloveniyada ümumilikdə 326 minə yaxın koronavirusa yoluxma halı və bu xəstəlikdən 4 mindən çox ölüm halı aşkar edilib. Əhalinin təxminən 53%-i peyvəndin hər iki dozasını alıb.

Whatsapp ilə göndər