Edam edilən məhkum əzab içində can verdi - FOTO

Tarix: 30 Oktyabr 2021 15:18

Oklahomada son altı ildə ilk dəfə məhbusa qarşı ölüm hökmü icra edilib.

Sonxeber.net oxu.az-a istinadən xəbər verir ki, edam edilən şəxs Con Qrant adlı biri olub.

"Con Qrant, Qey Karterin qətlinə görə bütün məsuliyyəti öz üzərinə götürmüşdü. O, öz cinayətini dərk etmək və günahını yumaq cəhdi ilə (mənim işlədiyim digər müştərilərdən qat-qat artıq) illərini ölüm kamerasında keçirib ", - deyə vəkil yazılı açıqlamada bildirib.

Məhkum həbsxana işçisini öldürməkdə təqsirli bilinmişdi.

Qranta hökmün icrası zamanı istifadəsi mübahisələr doğuran və etirazlara səbəb olan "midazolam" preparatı vurulub. Belə ki, dərmanın istifadəsindən sonra əlverişli ssenariyə görə, məhkum dərhal huşunu itirir və bir neçə dəqiqədən sonra ölür.

Bununla belə, məhkumların uzun müddət əzab çəkdiyinin qeydə alındığı ən azı üç hadisə var. Bunların arasında ən dəhşətlisi 2014-cü ildə baş verib: məhkum inyeksiyadan bir saat sonra əzablar içində ölmüşdü.

Şahidlərin dediyinə görə, Con Qrant da dərman yeridildikdən sonra qıcolmalarla titrəyib və qusub. Onun əzabı təxminən 20 dəqiqə sonra başa çatıb.

"Həyata keçirilən ölüm hökmü məhkumun faciəli həyatında sonuncu ədalətsizlik oldu", - deyə Qrantın vəkili bildirib.