Aktual mövzular: Dollar alış-satışı, Məzənnə, Neftin qiyməti

İsmayıllıda toyda zəhərlənən 30 nəfərdən 26-sı evə buraxılıb

Tarix: 28 Avqust 2019 09:40

Bakı. Samir Əli - Trend:

İsmayıllı rayonunda baş verən kütləvi zəhərlənmə ilə bağlı Mərkəzi Rayon Xəstəxanasına 30 nəfər müraciət edib.

Bu barədə Trend-ə xəstəxanadan məlumat verilib.

Məlumatda bildirilir ki, müraciət edən şəxslərə ilkin tibbi yardım göstərildikdən sonra 26 nəfərin vəziyyəti yüngül olduğundan evə buraxılıb.

Hazırda xəstəxanada 4 nəfər müalicə alr ki, onlardan 2-si azyaşlıdır.

Faktla bağlı araşdırma aparılır.

Xatırladaq ki, avqustun 27-də axşam saatlarında İsmayıllı rayonunun Qəzili kəndində kənd sakini Hüseynov Müşviq Sabəli oğlunun həyətində keçirilən kiçik toy məclisində zəhərlənmə olub. Ziyafət iştirakçılarından bir qisminin səhhəti pisləşib və onlar xəstəxanaya müraciət ediblər.

Whatsapp ilə göndər