Virus infeksiyalarının qarşısını almaq üçün hər gün bunu edin

Tarix: 28 Dekabr 2021 04:03

Soyuq fəsillərdə insanlar daha tez-tez soyuqdəymə, virus və qripp xəstəliklərinə yoluxur. Bu xəstəliklərin qarşısını almaq üçün sadə və çox effektli vasitələr mövcuddur.

Bu vasitələrdən biri burun-udlaq nahiyəsinin və ağız boşluğunun duzlu su ilə yuyulmasıdır. İnfeksiyalar orqanizmə əsasən burun və ağızdan daxil olur.

Saglamolun.az xəbər verir ki, burun-udlağın və ağız boşluğunun duzlu su ilə yuyulması bura düşən mikrob və virusları mexaniki olaraq yuyub aparır, yerli immuniteti gücləndirir, damarları möhkəmləndirir.

Hər gün işdən və ya hər hansı ictimai yerdən (dükan, aptek və s.) evə qayıtdıqda duzlu məhlulla burun-udlaq və ağız boşluğunu yaxşı yuyun.

Məhlulu hazırlamaq üçün 1 l 36-37 C temperaturunda olan qaynanmış suya 1 çay qaşığı adi xörək duzu əlavə edin, yaxşı qarışdırın ki, duz tam ərisin.

Daha sonra suyu kiçik "sprinsovkaya" və ya 20 ml-lik iynəsiz şprizə yığın və burun-udlaq nahiyəsini bir neçə dəfə yaxşı yuyun. Bunun üçün başınızı aşağı əyin, bir qədər yana şevirin və suyu yuxarıda olan burun deşiyinə tökün. Su digər burun deşiyindən və ağızdan töküləcək. Daha sonra o biri burun deşiyini yuyun. Sonda ağız boşluğunu yaxşı qarqara edin.

Bu proseduranı gündə bir neçə dəfə etmək olar.