Aktual mövzular: Dollar alış-satışı, Məzənnə, Neftin qiyməti

"Zəhər tuluğu"nun filmə düşməyən səhnəsi - VİDEO

Tarix: 17 Yanvar 2022 17:00

Təqdim olunduğu gündən əks-sədası bitməyən "Zəhər tuluğu" filmindən xəbər var.

Milli.Az xəbər verir ki, ekran işinin nümayiş olunmayan kadrları yayılıb. Görüntüləri filmin baş rollarından birini ifa edən aktyor Taleh Yüzbəyov (Adil) yayımlayıb. 

O, videoya "Bu hissə xəstəxanadan evə pul dalınca gedərkən baş verir. Totunun da calaq qoyduğu 600 manat pulu tapmaq üçün itirilən vaxt" sözlərini əlavə edib. 

Qeyd edək ki, filmin süjet xəttində iş yoldaşlarını, dostlarını, onu müalicə edən həkimi və tibb bacılarını acılamağa, incitməyə davam edən və "zəhər tuluğu" olan Adilin (Taleh Yüzbəyov) həyat hekayəsindən bəhs edilir. Bıçaqlandıqdan sonra sağ qalan Adil müalicə olunduqdan sonra öz monoton həyatına geri dönməyə hazırlaşır. O, xəstəxanadan çıxan zaman inanılmaz bir sınaqla qarşılaşır.

Dram janrlı ekran işində Orxan Mərdan, Cəlil Cavanşir, Əlixan Rəcəbov, Cavidan Novruz, Zülfiyyə Qurbanova, Xalq artisti Səidə Quliyeva, Əməkdar artistlər Rasim Cəfər, Hüsniyyə Mürvətova və Oktay Mehdiyev kimi aktyorlar da yer alıblar.

Milli.Az


Etiketlər:  Zəhər tuluğunun filmə düşməyən səhnəsi VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ