Aktual mövzular: Dollar alış-satışı, Neftin qiyməti, COP29, Hava proqnozu

Zelenskidən Avropa ölkələrinə çağırış

Tarix: 21 Mart 2022 19:36

Ukrayna Prezidenti Volodimir Zelenski yenidən Almaniya və digər Avropa ölkələrinə müraciət edərək onları Rusiya rəhbərliyini maliyyələşdirməyi dayandırmağa çağırıb.

Milli.Az "qafqazinfo"-ya istinadən xəbər verir ki, dövlət başçısı deyib: "Almanlar, sizin gücünüz var. Avropanın gücü istənilən raketlərdən, istənilən tanklardan güclüdür. Sizinlə ticarət olmadan, sizin şirkətlər və banklar olmadan Rusiyanın bu müharibə üçün pulu olmayacaq".

Ukrayna Prezidentinin fikrincə, avropalılar öz limanlarını Rusiya tərəfi üçün bağlamalı, bu ölkəyə məhsul ixracını dayandırmalı və Rusiya enerji daşıyıcılarından imtina etməlidirlər: "Rusiyanın Ukraynadan getməsi üçün təzyiq göstərin. Mən inanıram, bilirəm ki, sülh mümkündür. Lakin siz sülhün gəlməsi üçün addımlar atmalısınız. Almaniyada hər bir şəxs, Avropada hər bir şəxs".

Milli.Az

Whatsapp ilə göndər