Rihannanın sevgilisi aeroportda saxlanıldı

Tarix: 21 Aprel 2022 12:00

Amerikalı müğənni Rihannanın reper sevgilisi A$AP Rocky Los-Anceles aeroportunda saxlanılıb.

Sonxeber.net qafqazinfo-ya istinadən xəbər verir ki, bu barədə Los-Anceles polisi məlumat yayıb.

Hüquq-mühafizə orqanları əməkdaşlarının məlumatına görə, musiqiçi tanışına atəş açıb və onu yaralayıb. Xəsarət alan şəxsə tibbi yardım lazım olub, reper isə insidentin digər iki iştirakçısı ilə hadisə yerindən qaçıb. Zərərçəkmişin sözlərinə görə, A$AP Rocky ona bir neçə dəfə atəş açıb. İnsident 2021-ci ilin noyabrında baş verib.

Reper 500 min dollar girov müqabilində sərbəst buraxılıb.  

Bu, reperin ilk cinayəti deyil. 2019-cu ildə A$AP Rocky İsveçdə küçə davasında iştirakına görə saxlanılmışdı. Musiqiçiyə şərti cəza verilmişdi.