Aktual mövzular: Dollar alış-satışı, Neftin qiyməti, COP29, Hava proqnozu

“The Rasmus” Ukraynaya qayıtmaq istəyir

Tarix: 10 May 2022 10:32

Finlandiyanın məşhur rok qrupu "The Rasmus" "Avroviziya" Mahnı Müsabiqəsində çıxış etmək üçün Turinə gəlib.

Sonxeber.net oxu.az-a istinadən xəbər verir ki, hazırlıq zamanı musiqiçilər Ukraynanın "Kaluş Orkestri" qrupu ilə tanış olublar.

Onlar Turin küçələrində mahnılarını birlikdə ifa etməklə yanaşı, Ukraynadakı müharibəni də müzakirə edirlər.

"The Rasmus"un solisti Lauri İlonen etiraf edib ki, həqiqətən Ukraynaya qayıtmaq istəyir. Çünki bu, onun üçün və bütün qrup üçün vacibdir.

İfaçı qeyd edib ki, Ukraynada çoxlu pərəstişkarları var və qrup onları çox yüksək qiymətləndirir. Buna görə də Rusiyanın başlatdığı müharibədə ölkəmizi hər cür dəstəkləməyə çalışır.

"Bütün ukraynalılara, o cümlədən "The Rasmus"un pərəstişkarlarına bir daha sevgimizi və dəstəyimizi ifadə etmək istəyirik. Müharibədən sonra Ukraynaya konsertlə qayıtmaq, sizi qucaqlamaq və gözəl vaxt keçirmək istəyirik. İnanırıq ki, bu, tezliklə olacaq", - İlonen "Kanal 24"ə müsahibəsində deyib.

Whatsapp ilə göndər