Aktual mövzular: Dollar alış-satışı, Neftin qiyməti, COP29, Hava proqnozu

“Bizim də imkanlarımız oldu” - Rəşad Sadıqov

“Bizim də imkanlarımız oldu” - Rəşad Sadıqov

Tarix: 21 Iyul 2022 22:40

"Oyunun həlledici məqamları ilk iki qol oldu".

Sonxeber.net apasport.az-a istinadən bildirir ki, bunu "Zirə"nin baş məşqçisi Rəşad Sadıqov deyib.

40 yaşlı mütəxəssis Konfrans Liqasının II təsnifat mərhələsinin "Makkabi" (Təl-Əviv, İsrail) ilə Bakıda baş tutan ilk qarşılaşmasından sonra mətbuat konfransında iştirak edib. O, baş məşqçi kimi avrokuboklardakı debütündə aldığı 0:3 hesablı məğlubiyyətə şərh verib: "Bizim də imkanlarımız oldu. Rəqib səhvlərimizdən sonra fərqləndi, biz isə kombinasiyalı hücumlar qurduq. Sevindirici məqam odur ki, uşaqlar oyundan qopmadılar. Onlardan razıyam".

Sadıqov nəticəni səhvlərlə izah edib: "Səhvlər olmasaydı, böyük hesabla uduzmayacaqdıq. Bununla belə, oyunda yeni səviyyəyə qalxdığımızı gördüm. Səhvsiz futbol olmur. Rəqibdən nə gözləyirdiksə, onu da meydanda gördük".

Gənc mütəxəssis səfər matçı barədə də danışıb: "Hesab böyükdür. Amma səfərə gedəndə əlimizi yana salmayacağıq. Mən Rəhim Sadıxovun oyunundan razı qaldım. Ola bilər ki, ilk dəqiqələrdə özünü göstərə bilmədi. Amma zaman keçdikcə oyundan oyuna topla davranışı qaydasında idi".


Etiketlər:  Bizim imkanlarımız oldu Rəşad Sadıqov


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ