Aktual mövzular: Dollar alış-satışı, Məzənnə, Neftin qiyməti

BMT Azərbaycanın Londondakı səfirliyinə hücuma reaksiya verib

BMT Azərbaycanın Londondakı səfirliyinə hücuma reaksiya verib

Tarix: 5 Avqust 2022 22:54

BMT Baş katibinin sözçüsü Stefan Dujarrik Azərbaycanın Londondakı səfirliyinə hücuma reaksiya verib.

Milli.Az bildirir ki, bu barədə Stefan Dujarrik "report"un sualını cavablandırarkən deyib.

"Bu məsələyə BMT Təhlükəsizlik Şurası münasibət bildirməlidir. BMT bütün dünyada diplomatik binalara hörmətlə yanaşmağın vacibliyinə inanır", - Stefan Dujarrik vurğulayıb.

"Mən bununla bağlı xəbərlərlə mətbuatda tanış oldum. Baş verənlərlə bağlı hər hansı təfərrüatlı birinci əldən məlumatım yoxdur. Ümumi prinsip bəyanatımız olaraq deyə bilərəm ki, BMT bütün dünyada diplomatik binalara hörmətlə yanaşmağın vacibliyinə inanırıq", - BMT Baş katibinin sözçüsü əlavə edib.

Qeyd edək ki, radikal dini dəstə avqustun 4-də Azərbaycanın Londondakı səfirliyinə hücum edib. Səfirliyin binasına daxil olaraq, vandallıq aktı törədən qrup üzvləri binanın eyvanında dini bayraqlar qaldıraraq, radikal dini şüarlar səsləndiriblər. Yerli polisin müdaxiləsindən sonra qrup üzvləri binadan çıxarılıb və saxlanılıb.

Hadisə zamanı səfirliyin əməkdaşları xəsarət almayıb.

Hadisə yerli hüquq-mühafizə qurumları tərəfindən araşdırılır. Araşdırmanın nəticələri ilə bağlı əlavə məlumat veriləcək.

Vyana Konvensiyasına uyğun olaraq, diplomatların və diplomatik binaların təhlükəsizliyinin təmin edilməsi ilə bağlı xəbərdarlıq tərəfimizdən diplomatik kanallar vasitəsilə Böyük Britaniya qurumlarının diqqətinə çatdırılıb.

Milli.Az


Etiketlər:  BMT Azərbaycanın Londondakı səfirliyinə hücuma reaksiya verib


RƏYLƏR



Populyar Xəbərlər

XƏBƏR LENTİ