Aktual mövzular: Dollar alış-satışı, Məzənnə, Neftin qiyməti

İsveç Ukrayna üçün silah istehsal edə bilər

Tarix: 12 Avqust 2022 07:42

İsveçin müdafiə naziri Peter Xultqvist Danimarkanın paytaxtı Kopenhagendə keçirilən konfransda görüşün nəticəsi olaraq Ukraynanın ehtiyacları üçün silah istehsalını güman edib.

Milli.Az "report"a istinadən bildirir ki, Kopenhagendə keçirilən konfransda müdafiə nazirlərinin görüşü zamanı uzunmüddətli dəstəyin üç əsas istiqaməti müəyyən edilib. Qeyd olunur ki, Ukrayna hərbçilərinə təlim keçmək üçün 120 təlimatçı verən İsveç Ukrayna üçün silah istehsal edə bilər.

"Mən bunu istisna etmirəm, amma indidən danışmaq hələ tezdir. Biz hər üç tədbirdə müsbət şəkildə iştirak edirik, lakin sonda bunların hamısını necə bir araya gətirdiyimizi görürük", - Peter Xultqvist deyib.

Xultqvistin sözlərinə görə, Slovakiya, Polşa və Çexiya artıq silah istehsalına kömək edə biləcəklərini bəyan ediblər.

"Söhbət Ukraynaya birbaşa çatdırıla bilən silahların istehsalı üçün müxtəlif ölkələrdəki istehsal xətlərindən istifadə etməkdən gedir", - nazir deyib.

Xatırladaq ki, Kopenhagendə keçirilən konfransda Ukraynaya hərbi yardım üçün 1,5 milyard avro toplanıb.

Milli.Az

Whatsapp ilə göndər