Aktual mövzular: Dollar alış-satışı, Neftin qiyməti, COP29, Hava proqnozu
Tarix: 1 May 2019 19:52
"Qəbələ"nin prezidenti Fariz Nəcəfov Azərbaycan kubokunun 1/2 final mərhələsinin "Qarabağ"a 1:2 hesabı ilə uduzduqları cavab oyunundan sonra jurnalistlərin suallarını cavablandırıb. Qol.az-ın məlumatına görə, o, əvvəlcə matç haqda danışıb.
- Gözləyirdik ki, maraqlı oyun keçəcək. Belə də oldu. Komandamı təbrik edirəm. Həmişə axıra kimi gəlsək də, son nöqtəni qoya bilmənişik. Ümid edirəm ki, finalda daha yaxşı oyun göstərib qələbə qazanacağıq.
- 2 top buraxandan sonra komandanıza inanırdınız?
- Həmişə komandama axıra kimi inanmışam. Bütün nəticələrdə, uduzsaq da, udsaq da, hər zaman inanmışam. İnanmasaq, onda, işimizi davam etdirməyin məqsədi, mənası olmur.
- Finalda kimi görmək istəyərdiniz?
- Fərqi yoxdur.
- Finalın Naxçıvanda keçirilməsinə münasibətiniz necədir?
- Artıq qərar qəbul olunub. Bununla bağlı nəsə deməyim yanlış olar. Əvvəlcədən fikrimiz soruşulmayıb. Ona görə də, harada olmağından asılı olmayaraq, matça maksimum hazırlaşmalıyıq.
- "Qəbələ" kuboku qazansa, gələn mövsüm iddialarını saxlaya bilər? Büdcənin azaldılacağı, komanda iddiasını itirəcək kimi söhbətlər var.
- Bu barədə heç nə danışa bilmərəm. Kubokun və ya çempionatın bizim qərarlarımıza heç bir təsiri olmayacaq. Əvvəlcədən planlaşdırdığımız kimi gedirik. Komandanın gələcək taleyi ilə də bağlı yaxın günlərdə açıqlama veriləcək.