Aktual mövzular: Dollar alış-satışı, Məzənnə, Neftin qiyməti

Zakir Həsənovla Hulusi Akar arasında telefon danışığı oldu

Zakir Həsənovla Hulusi Akar arasında telefon danışığı oldu

Tarix: 13 Sentyabr 2022 12:24

Sentyabrın 13-də müdafiə naziri general-polkovnik Zakir Həsənov ilə Türkiyə milli müdafiə naziri cənab Hulusi Akar arasında telefon danışığı olub.

Milli.Az xəbər verir ki, bu barədə Müdafiə Nazirliyi məlumat yayıb.

General-polkovnik Z.Həsənov Ermənistan tərəfinin Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribatı nəticəsində baş verən döyüş toqquşması barədə həmkarını məlumatlandırıb və qarşı tərəfin bu addımlarının qarşısının qətiyyətlə alındığını bildirib.

H.Akar öz növbəsində Ermənistan silahlı qüvvələrinin törətdiyi təxribat nəticəsində hərbi qulluqçularımızın şəhid olması ilə bağlı başsağlığı verib, yaralılara şəfa diləyib.

H.Akar Türkiyənin həmişə olduğu kimi, bu gün də Azərbaycanın yanında olduğunu qeyd edib.

Telefon danışıqları zamanı hər iki qardaş ölkənin müdafiə nazirləri yaranmış vəziyyətlə bağlı geniş fikir mübadiləsi aparıblar.

Milli.Az


Etiketlər:  Zakir Həsənovla Hulusi Akar arasında telefon danışığı oldu


RƏYLƏR



Populyar Xəbərlər

XƏBƏR LENTİ