Aktual mövzular: Dollar alış-satışı, Neftin qiyməti, COP29, Hava proqnozu

İçərisində 7 milyon olan çantanı oğurlayan xadiməyə hökm oxundu

Tarix: 28 Oktyabr 2022 21:22

Rusiyada, Novosibirskdə Qırğızıstandan olan 44 yaşlı təmizlikçi yeddi milyon rubl olan çantanı oğurladığı üçün 2,5 il müddətinə azadlıqdan məhrum edilib.

Sonxeber.net bildirir ki, bu barədə Kp.ru Oktyabr rayon məhkəməsinə istinadən xəbər verib.

Səlahiyyətlilərin bildirdiyinə görə, ötən il noyabrın 4-də səhər tezdən Dobrolyubov küçəsindəki 1 saylı evin yaxınlığında müttəhim səkidə içərisində pul olan çantanı görüb, onu götürüb və bundan sonra hadisə yerindən qaçıb.

Çanta təsadüfən oteldən kənarda qoyub gedən yerli iş adamına məxsus olub. Eyni zamanda, qadının vəkillərinin dediyinə görə, çantada pul olmayıb: onların müştərisi deyib ki, orada yalnız yastıq üzü, tibbi maska və qələm olub. Hüquqşünaslar hesab edirlər ki, qadın fırıldaqçı sxemin qurbanı ola bilər - guya bir iş adamı bankdan kredit götürə bilər, sonra isə iflas prosedurundan keçmək üçün oğurluq barədə məlumat verə bilər.

İşdə sübut kimi sahibkarın özünün dediyi sözlər və qadının çantanı necə götürdüyünü göstərən videokameralardakı qeydlər olub. İstintaq zamanı qadın həbsdə olub.

İrfan Vəliyev

Whatsapp ilə göndər