Aktual mövzular: Dollar alış-satışı, Məzənnə, Neftin qiyməti

"Ac-susuz tamaşada oynamaq məcburiyyətindəyik" - VİDEO

Tarix: 2 Noyabr 2022 16:52

Sumqayıt Dram Teatrının aktyorları əməkhaqlarının gecikməsindən şikayətçidirlər.

Milli.Az Xəzər Xəbər-ə istinadən xəbər verir ki,onlar iddia edirlər ki, vəziyyətin bu həddə çatmasının səbəbi teatrın rəhbərsiz qalmasıdır.

Aktyorların sözlərinə görə, son 7 aya qədər maaşlarını normal şəkildə kart vasitəsilə alıblar. Ancaq 7 aydır direktor olmadığına görə əməkhaqları hər ay gecikir. Direktoru əvəz edən müavinin səlahiyyəti isə bu məsələdə məhduddur.

Aktyorların sözlərinə görə, teatrda vəziyyət heç də ürəkaçan deyil. Bəzən elə olub ki, onlar bir gün ac-susuz tamaşada oynamaq məcburiyyətində qalıblar.

Teatrın aktyorları qarşılaşdıqları problemlə bağlı kütləvi şəkildə Mədəniyyət Nazirliyinə videomüraciət ünvanlayıblar. Sumqayıt Regional Mədəniyyət İdarəsindən bildirildi ki, teatr Mədəniyyət Nazirliyinə tabe olduğu üçün məsələnin həlli onların səlahiyyətlərini aşır. Problemlə bağlı Mədəniyyət Nazirliyinə müraciətmiz isə cavabsız qaldı.

Xezerxeber.az mövzu ilə bağlı daha ətraflı videomaterialı təqdim edir:

Milli.Az

Whatsapp ilə göndər