Səfir: Türkmənistan və Azərbaycan müxtəlif sahələrdə iri layihələr həyata keçirirlər

Tarix: 10 Oktyabr 2019 20:30

Bakı. Ləman Zeynalova - Trend:

Türkmənistan və Azərbaycan müxtəlif sahələrdə iri layihələr həyata keçirirlər.

Trend-in məlumatına görə, bunu Türkmənistanın Bakıdakı səfiri Məkan İşankuliyev Türkmənistanın Müstəqillik Günü münasibətilə təşkil edilən qəbulda bildirib.

Səfir əlavə edib ki, iki ölkə arasında ticari-iqtisadi əlaqələr dinamik inkişaf edir:

"Böyük potensiala sahib olan Türkmənistan və Azərbaycan müxtəlif sahələrdə, o cümlədən regional və yanacaq, enerji, nəqliyyat və tranzit sahələrində beynəlxalq əhəmiyyətli iri layihələr həyata keçirirlər."

Daha sonra o, Türkmənistan və Azərbaycanın açıq və qarşılıqlı dialoq apardığını qeyd edib:

"İkitərəfli münasibətlərin bütün sahələrində ölkələrimiz bərabərlik, qarşılıqlı hörmət və etimad ruhunda konstruktiv həllər tapırlar".

Trend-in ən mühüm və maraqlı xəbərlərini "Telegram"da izləyin