Aktual mövzular: Dollar alış-satışı, Neftin qiyməti, COP29, Hava proqnozu

Akif Təvəkküloğlu işdən çıxdı - Daha yüksək vəzifəyə təyin edildi

Akif Təvəkküloğlu işdən çıxdı - Daha yüksək vəzifəyə təyin edildi

Tarix: 13 Yanvar 2023 11:06

Azərbaycan Həmkarlar İttifaqları Konfederasiyasının Mətbuat və İctimaiyyətlə ələqələr şöbəsinin müdiri vəzifəsindən ayrılıb.

Sonxeber.net Manset.az-a istinadən bildirir ki, qurumun rəsmisi Əməkdar jurnalist, 2-ci dərəcə dövlət müşaviri Akif Təvəkküloğlu başqa bir yerdə daha yüksək vəzifəyə təyin olunduğuna görə işdən çıxıb. Akif Təvəkküloğlu Azərbaycan Respublikası Əqli Mülkiyyət Agentliyinin İdarə Heyətinin sədrinin müşaviri təyin edilib.

O, saytımıza açıqlamasında məlumatı təsdiq edib.

Bildirək ki, Azərbaycan Respublikası Əqli Mülkiyyət Agentliyinin İdarə Heyətinin sədri Kamran İmanovdur.

Qeyd edək ki, Əməkdar jurnalist Akif Təvəkküloğlu uzun illər AZTV-də işləyib. 2006-2020-ci illər isə Milli Məclisin mətbuat xidmətinin rəhbəri vəzifəsində çalışıb. Daha sonra Həmkarlar İttifaqları Konfederasiyasının Mətbuat və İctimaiyyətlə ələqələr şöbəsinin müdiri təyin edilib. O fəaliyyəti dönəmində jurnalistlərə və mətbuata açıq olması ilə seçilib.


Etiketlər:  Akif Təvəkküloğlu işdən çıxdı Daha yüksək vəzifəyə təyin edildi


RƏYLƏR



Populyar Xəbərlər

XƏBƏR LENTİ