Aktual mövzular: Dollar alış-satışı, Məzənnə, Neftin qiyməti

Dünyanın həm vaxt, həm də məsafə cəhətdən ən uzun çay kruizi başlayır - FOTO

Tarix: 14 Yanvar 2023 18:52

Bu gün Hindistandan dünyanın ən uzun çay kruizinə start verilib. Komfortlu "MV Ganga Vilas" paroxodu Qanq çayının sahilində yerləşən Varanasidə (Uttar Pradeş) 51 günlük səfərə başlayıb.

Milli.Az oxu.az-a istinadən xəbər verir ki, beş ştatın ərazisindən keçərək 3,2 min km məsafə qət edəcək üçgöyərtəli gəmi Qanqdan əlavə Hindistan və Banqladeşin daha 27 çayı boyunca hərəkət edəcək.

Kruizə qatılan 33 isveçrəli turist 51 gün ərzində Hindistanın zəngin mədəni və tarixi irsi ilə tanış olacaq. Proqrama 50 turizm mərkəzinə, o cümlədən BMT-nin Dünya Mədəni İrsi obyektlərinə, milli parklara və Patna, Sahiqanc, Kəlküttə, Quvahati və Dəkkə kimi böyük şəhərlərə səfərlər daxildir.

Milli.Az