Aktual mövzular: Dollar alış-satışı, Neftin qiyməti, COP29, Hava proqnozu

Korotçenko: “Ermənistanı bütün öhdəlikləri yerinə yetirməyə məcbur edilməlidir”

Korotçenko: “Ermənistanı bütün öhdəlikləri yerinə yetirməyə məcbur edilməlidir”

Tarix: 15 Fevral 2023 18:33

"Xarici oyunçu olan Avropa İttifaqı Ermənistanın əli ilə Cənubi Qafqaza daxil olur və bu da regionda destruktiv və sabitliyi pozmağa yönəlmiş rol oynayacaq".

Sonxeber.net Report-a istinadən xəbər verir ki, bunu rusiyalı hərbi ekspert İqor Korotçenko "Rusiya və Fransanın Cənubi Qafqaz və Afrikada mübarizəsi" adlı dəyirmi masada çıxışı zamanı deyib.

Onun sözlərinə görə, Avropa İttifaqının (Aİ) Ermənistanda yaradılmış uzunmüddətli missiyasının tamhüquqlu hərbi missiyaya çevrilməsi və orada hərbi kontingent yerləşdirilməsi ilə bağlı təhlükə var.

Politoloq qeyd edib ki, Moskva Qafqazda hadisələrin bundan sonra necə inkişaf edəcəyindən ciddi narahatdır: "Fransadakı erməni diasporu bu gün rəsmi Parisin yürütdüyü siyasətə fəal şəkildə təsir göstərir".

İ.Korotçenko vurğulayıb ki, Ermənistan Fransaya arxalanaraq Azərbaycanın siyasət və diplomatiya sahəsində suveren qərarlar qəbul etməsinə mane olmağa çalışır: "Bu məqamda qeyd etməliyəm ki, Aİ missiyasının mandatı bu ərazilərdəki real vəziyyəti əks etdirmir".

Ekspertin fikrincə, hazırda Bakı ilə Moskvanın mövqeləri arasında fəal yaxınlaşma müşahidə olunur: "Biz birlikdə Fransanın destruktiv dialoq aparmaq istəyinə fəal şəkildə qarşı çıxacağıq. Üstəlik, Ermənistanı Nikol Paşinyanın üzərinə götürdüyü bütün öhdəlikləri yerinə yetirməyə məcbur etmək üçün birgə işləməliyik".


Etiketlər:  Korotçenko Ermənistanı bütün öhdəlikləri yerinə yetirməyə məcbur edilməlidir


RƏYLƏR



Populyar Xəbərlər

XƏBƏR LENTİ