Aktual mövzular: Dollar alış-satışı, Məzənnə, Neftin qiyməti

Mourinyo PSJ-ni çalışdıra bilər

Mourinyo PSJ-ni çalışdıra bilər

Tarix: 18 Fevral 2023 09:00

"Roma"nın baş məşqçisi Joze Mourinyo PSJ-ni çalışdıra bilər.

Bu barədə "Foot Mercato" məlumat yayıb. Paris təmsilçisinin idman direktoru Luis Kampos 60 yaşlı mütəxəssislə mümkün keçidi müzakirə edib.

Daha əvvəl PSJ-nin bəzi futbolçularının hazırkı çalışdırıcı Kristof Qaltyenin futbol savadından və məşqçiliyindən şübhələndiyi və ondan narazı qaldıqları bildirilirdi. Bununla bağlı rəhbərlik vəziyyətin pisləşəcəyi təqdirdə alternativ variant fikirləşib. Bu isə Joze Mourinyo variantıdır.

Kampos Mourinyonun böyük pərəstişkarıdır. Qeyd olunur ki, onların yaxşı münasibəti var.

PSJ ilə "Roma" arasında hələlik danışıqlar başlamayıb. Lakin PSJ-nin prezidenti Nasser Əl-Xəlaifi ilə "Roma"nın sahibi Den Fridkin arasında isti münasibət var.

Qeyd edək ki, Mourinyo 2021-ci ildən "Roma"nı çalışdırır. Onun İtaliya klubu ilə müqaviləsi 2024-cü ilə qədərdir.

Milli.Az


Etiketlər:  Mourinyo PSJ ni çalışdıra bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ