Aktual mövzular: Dollar alış-satışı, Neftin qiyməti, COP29, Hava proqnozu

''El Klassiko'' nə vaxt oynanılacaq? - dekabrın 4-ü, yoxsa 18-i?

Tarix: 18 Oktyabr 2019 22:20

La Liqanın 10-cu turunda keçiriləcək "Barselona" - "Real" matçının vaxtı hələ də dəqiqləşməyib.

Qol.az-ın İspaniya mətbuatına istinadən yaydığı xəbərə görə, Kataloniyada baş verən etiraz aksiyaları səbəbindən oktyabrın 26-ı oynanılacaq matç təxirə salınsa da, yeni vaxtla bağlı La Liqa rəhbərliyi ilə klublar arasında fikir ayrılığı yaranıb.

"Barselona" və "Real" görüşün dekabrın 18-i keçirilməsini istəsə də, La Liqa rəhbərliyi buna narazıdır. Qurum eyni tarixdə İspaniya kubokundə görüşlər olacağı üçün "El Klassiko"nun dekabrın 4-ü oynanılmasını istəyir. La Liqa rəhbərliyi hesab edir ki, "Barselona" və "Real" arasında matç dekabrın 18-i oynanılacağı təqdirdə, kubokda oynayacaq digər klublara maddi ziyan dəyə bilər. Bundan başqa, qurum "El Klassiko"nun həftəsonu keçirilməsinin tərəfdarıdır.

Klublar və La Liqa arasında fikir ayrılığının yaxın günlərdə həll olunacağı gözlənilir.

Whatsapp ilə göndər