Aktual mövzular: Dollar alış-satışı, Neftin qiyməti, COP29, Hava proqnozu

Tanınmış səyyahlar İstisu və Laçında olublar - FOTO

Tarix: 15 Iyun 2023 20:45

İşğaldan azad olunmuş ərazilərdə dördgünlük səfərdə olan məşhur səyyahlar Kəlbəcər rayonunun Zülfüqarlı kəndində yerləşən İstisuda olublar.

Sonxeber.net report-a istinadən xəbər verir ki, səyyahlara İstisu və işğal zamanı ermənilərin torpaqlarımızda, o cümlədən, Kəlbəcərdə törətdikləri vəhşiliklər barədə məlumat verilib.

Daha sonra səyyahlar Laçın şəhərinə gəlib, burada aparılan tikinti-quruculuq işlərinin şahidi olub, Laçına köç edən ailələrlə söhbət ediblər.

Qeyd edək ki, iyunun 14-də dünya şöhrətli səyahətçilərin Qarabağa və Şərqi Zəngəzura dördgünlük səfəri başlayıb. Nümayəndə heyəti 4 gün ərzində Ağdam-Tərtər-Kəlbəcər-Laçın-Qubadlı-Zəngilan-Cəbrayıl-Füzuli-Xocavənd-Şuşa avtomobil yolunun marşrutu üzrə hərəkət edəcək.

Səfər dünyaca məşhur MTP (Most Traveled People) təşkilatı tərəfindən təşkil olunur.