Aktual mövzular: Dollar alış-satışı, Məzənnə, Neftin qiyməti

Smartfon adapteri ev yandırdı

Tarix: 1 Iyul 2023 09:16

İngiltərə sakini evindəki yanğının "iPhone"un şarj cihazı ucbatından baş verdiyini bildirib.

Milli.Az oxu.az-a istinadən bildirir ki, Emma Flaherti qızları ilə evdə olarkən ikinci mərtəbədən tüstü qoxusunu hiss edib. O, yataq otağına qaçıb, çarpayı və yastığın yandığını görüb. Yanğın tez bir zamanda bütün otağı bürüyüb. Buna görə də britaniyalı uşaqları götürərək küçəyə qaçıb.

Hadisə yerinə gələn yanğınsöndürənlər bir saat ərzində alovu söndürüblər. Daha sonra onlar Emmaya bildiriblər ki, yanğına səbəb smartfonun adapteri olub.

İndi britaniyalı başqalarını "ucuz və qeyri-rəsmi" mobil telefon doldurucularının təhlükələri barədə xəbərdar edir.
Təəssüf ki, Emma əmlakını sığorta etməyib, ona görə də itirdiyi əşyalara görə təzminat almayacaq.

Milli.Az

Whatsapp ilə göndər