Aktual mövzular: Dollar alış-satışı, Məzənnə, Neftin qiyməti

İranda bu ilin altı ayında edam edilənlərin SAYI AÇIQLANDI - ŞOK RƏQƏM

Tarix: 3 Iyul 2023 22:18

2023-cü ilin ilk 6 ayı ərzində İranda 354 nəfər edam olunub.

Milli.Az APA-ya istinadən bildirir ki, bu barədə Norveçdə yerləşən İran İnsan Hüquqları təşkilatı məlumat yayıb.

Bildirilib ki, bu, ötən ilin müvafiq dövrü ilə müqayisədə 36 faiz çoxdur. Belə ki, 2022-ci ilin birinci yarısında ölkədə 261 nəfər edam olunub.

Hesabatda vurğulanıb ki, edam olunanlar arasında qeyri-fars etnik qruplar daha çoxdur. Edam olunanların 20 faizi sünni bəluc etnik azlığının üzvləridir.

206 nəfərin narkotiklə bağlı ittihamlara görə edam edildiyi bildirilib. Bu isə ötən ilin müvafiq dövrü ilə müqayisədə 126 faiz çoxdur.

Qeyd edək ki, insan hüquqları təşkilatları Tehranı ötən ilin sentyabrında başlayan etiraz hərəkatından sonra cəmiyyətdə qorxu yaratmaq üçün ölüm hökmünün tətbiqini artırmaqda günahlandırır.

Milli.Az

Whatsapp ilə göndər