Aktual mövzular: Dollar alış-satışı, Neftin qiyməti, COP29, Hava proqnozu

Nəyə görə yaşlandıqca burnumuz böyüyür?

Tarix: 27 Sentyabr 2023 07:39

Ömrümüz boyu dəyişikliyə uğrayan orqanlardan biri də burundur.

Sonxeber.net medicina.az-a istinadən xəbər verir ki, plastik cərrah Ruslan Strajnikov burnun böyüməsinin səbəblərindən danışıb.

"İnsanın yaşının üstünə yaş gəldikcə güzgüdə artıq burnunun üzündə daha çox yer tutduğunu görür. Çox pasiyentlər şikayətlənir ki, burnum kiçik idi, indi böyükdür. Amma bu vizual olaraq belə görünür. Əslində real olaraq burun ölçüsündə, toxumasında böyümə, uzanma olmur.

Böyük görünməsinin səbəbi dəri altındakı piy toxumasının azalmasıdır. Alın, yanaq, çənədə sallanma, boşalma, ərimə olduğu üçün burun öz yerində, öz ölçüsündə daha qabarıq görünür.

Bundan əlavə, yaşla əlaqədar burun qığırdağında struktur dəyişikliyi olur. Bu isə burunda forma dəyişikliyi və sümük qabarmasına səbəb ola bilər. Üzdə kollagen elastin toxuma düşdüyü üçün burunu dik və yuxarıda tutan bağlar zəifləyir.

Ona görə də günah burunun özündə yox, ümumilikdə orqanizmdə və üz toxumasındadır", - o bildirib.

Whatsapp ilə göndər