Aktual mövzular: Dollar alış-satışı, Neftin qiyməti, COP29, Hava proqnozu

BMT nümayəndəsi: Azərbaycanda qida təhlükəsizliyi üçün yaradılan laboratoriya şəraiti çox gözəldir (FOTO)

Tarix: 31 Oktyabr 2019 14:12

Bakı. Ceyhun Ələkbərov - Trend:

Azərbaycanda qida təhlükəsizliyi üçün yaradılan laboratoriya şəraiti çox gözəldir.

Trend-in məlumatına görə, bunu BMT-nin Azərbaycandakı nümayəndəsi Qulam İsaqzai Qida Təhlükəsizliyi İnstitutunda (AQTİ) ölkəmizdə fəaliyyət göstərən beynəlxalq təşkilatların nümayəndəliklərinin rəhbərlərinin iştirakı ilə keçirilən infoturda deyib.

O bildirib ki, AQTİ-də qurulan laboratoriya dünyanın ən qabaqcıl laboratoriyasıdır: “Hesab edirəm ki, burada yaradılan şərait Azərbaycan vətəndaşlarının sağlamlığına töhfə vermək üçün qurulub və bura bu günə qədər gördüyüm ən yaxşı laboratoriyadır. BMT təşkilatı olaraq biz burada görülən işlərə daim dəstək verəcəyik”.

Q.İsaqzai qeyd edib ki, bu laboratoriyanın yaradılması Azərbaycan üçün böyük önəm kəsb edir: “Ölkənin sosial-iqtisadi inkişafı baxımından, bu laboratoriyanın yaradılması və eyni zamanda, qida təhlükəsizliyinin olması böyük əhəmiyyət daşıyır”.

Trend-in ən mühüm və maraqlı xəbərlərini "Telegram"da izləyin