Boşandığı arvadını evə kilidləyib yandırdı - FOTO

Tarix: 3 Noyabr 2023 17:04

Türkiyədə ər boşandığı arvadını evə kilidləyərək, yandırıb.

Sonxeber.net bakupost.az-a istinadən bildirir ki, dəhşətli hadisə Adana şəhərində baş verib.
Fadime Korkusuzun (41) boşandığı əri Muammet G. (57) dünən evə gələrək keçmiş həyat yoldaşı ilə mübahisə edib. İddiaya görə, Muammet G. keçmiş həyat yoldaşını evə kilidləyib və evi yandırıb. Ətrafdakıların xəbəri üzərinə evə xilasetmə, polis və sağlamlıq qrupları sövq edilib. Qadın dərhal xilas edilərək xəstəxanaya çatdırılıb.

Bundan əlavə, cütlüyün evdəki uşaqları E.G. (17) də yaralanıb. Ev isə tamam yararsız hala düşüb. Polis qrupları Muammet G.-ni Sarıçam rayonunda tutaraq saxlayıb.

Hazırda yanan qadının vəziyyəti ağırdır. Araşdırma aparılır.