Mövsüm dəyişikliyi ilə bağlı olan qrip və soyuqdəymədən necə qorunmaq olar? - FOTO

Tarix: 23 Noyabr 2023 12:42

Artıq payız fəslinin ən soyuq ayındayıq. Havalar soyumağa başlayıb və fəsil dəyişkənliyi insanların orqanizmində müəyyən dəyişikliklərin baş verməsinə səbəb olur. Ona görə də, fəsil dəyişkənliyində bəzi qaydalara əməl edərək sağlamlığımıza diqqət yetirməliyik. Havalar soyuduqca bədənin müqaviməti azalır. Orqanizm zəiflədiyi üçün xəstəliyə yoluxma halları çoxalır.

Payız mövsümünün xarakterik xəstəliklərinə soyuqdəymə, faringit, sinuzit, bronxit və pnevmoniya aiddır.  İqlim dəyişkənliyini insanlar çəkisindən, orqanizmin immunitet səviyyəsindən asılı olaraq müxtəlif cür keçirirlər: "Bəzi insanlarda bu özünü halsızlıq, yorğunluqla göstərsə də, bəzilərində yuxusuzluq, iştahsızlıq və depressiya ilə müşahidə olunur. Çox vaxt soyuqdəymə ilə başlayan və fikir verilmədikdə ağır fəsadlar yarada bilən yoluxucu xəstəliklər yayılmağa başlayır"

Soyuqdəymə və qripin əlamətləri halsızlıq, bədən hərarətinin qalxması, boğazda yanma, burun tutulması, axması və əzələ ağrılarıdır. Mədə-bağırsaq sisteminin xəstəlikləri, ürək-damar, böyrək və xroniki xəstəlikləri olanlar, şəkərli diabet və qan təzyiqindən əziyyət çəkənlər bu fəsildə daha diqqətli olmalıdırlar. Çünki, belə xəstəliklər əsasən bu fəsildə kəskinləşir və orqanizmdə müəyyən narahatlıqlar yaradır. Belə ki, virusa yoluxan orqanizm zəifləyir, gücdən düşür və temperatur dəyişkənliyinə hazır olmadığı üçün müxtəlif xəstəliklərə yoluxma ehtimalı artır. Qripin yoluxma səbəbi hava-damcı yolu ilə keçən infeksiya və ortaq istifadə edilən əşyalardır. Buna görə də qripə yoluxmuş adamdan uzaq gəzmək, tibbi maska və əlcəklərdən istifadə etmək, gigiyena qaydalarına riayət etmək vacibdir.

Qripə yoluxmusunuzsa da, qorxmağa ehtiyac yoxdur. Qrip və soyuqdəymə zamanı təcili yardımınızın adı Agicold preparatıdır. Qısa zaman ərzində sürətli və effektiv təsir göstərir. Xəstəlik simptomları anında aradan qalxır.

Agicold saşeləri soyuqdəymə və qriplə əlaqədar olan burun tutulması, burun axması, baş ağrısı kimi simptomların yüngülləşdirilməsi üçün nəzərdə tutulmuşdur. Tərkibindəki parasetamol sayəsində yüksək hərarəti tez bir zamanda aşağı salır. Soyuqdəymə və qrip əlamətlərini tez bir zamanda aradan qaldırır. İstifadəsi böyüklər və 12 yaşdan yuxarı uşaqlar üçün uyğundur.

Payızda yayılan xəstəliklərə yoluxmamaq üçün mövsümə uyğun geyinmək  də önəmlidir. Paltarlar nə çox nazik, nə də çox qalın olmalıdır. Havaların soyuması nəticəsində yaranan xəstəliklərin qarşısının alınması üçün qida rasionuna da diqqət yetirmək çox vacibdir. Uşaqlar, qocalar və xroniki xəstəliyi olan insanlar payızda sağlamlıqlarının qorunması üçün düzgün qidalanmalıdırlar. Çünki hava dəyişdikcə insan orqanizmində vitamin və minerallara ehtiyac artır. Biz bu ehtiyacları qida vasitəsilə ödəməliyik. 

Unutmayın ki, "Sağlam olmaq, həyat mübarizəsində müvəffəqiyyətin birinci şərtidir."