Aktual mövzular: Dollar alış-satışı, Neftin qiyməti, COP29, Hava proqnozu

“Qalatasaray”da daha bir şok itki

Tarix: 11 Noyabr 2019 14:48

“Qalatasaray”da zədəlilər sırasına daha bir futbolçu qoşulub.

Qol.az-ın “Ntv Spor”a istinadən yaydığı xəbərə görə, komandanın aparıcı üzvü Florin Andonenin minimum 10-12 həftə yaşıl meydanlardan uzaq qalacağı bildirilib.

Klubun rəsmi saytı məlumat yayıb ki, Türkiyə Superliqasının 11-ci turunda səfərdə “Qaziantep”lə matçın (2:0) 11-ci dəqiqəsində zədələnərək meydanı tərk edən 26 yaşlı hücumçunun diz bağlarında yırtıq aşkarlanıb.

Rumınyalı forvard bu mövsüm “aslanlar”ın heyətində ümumilikdə, 9 oyunda 2 qol vurub.

Qeyd edək ki, Andonedən əlavə, Radamel Falkao, Əmrə Akbaba, Şənər Özbayraklı və Yunes Belhanda da zədə səbəbindən komandasına kömək edə bilmir.