Ərdoğandan silahlı hücuma sərt reaksiya

Tarix: 11 Fevral 2024 14:30

"AK Partiya və Xalq Alyansının Küçükçekmece Bələdiyyə sədrliyinə namizəd olan Əziz Yeniayın seçki kampaniyası zamanı həyata keçirilən silahlı hücumu qınayır, ağır yaralanan vətəndaşımıza şəfa diləyirəm. Dərhal hücumla bağlı hərtərəfli istintaq başladılıb. Seçki prosesinin sağlam və demokratik gedişinə dözə bilməyənlərin cəhdlərinin prosesi zəhərləməsinə heç vaxt imkan verməyəcəyik. Demokratiyamıza, birliyimizə və həmrəyliyimizə yönəlmiş istənilən hücum öz məqsədinə çatmayacaq".

Sonxeber.net teleqraf.com-a istinadən bildirir ki, bu sözləri Türkiyə Prezidenti Rəcəb Tayyib Ərdoğan AK Partiyanın Küçükçekmece Bələdiyyə sərdliyinə namizədi Əziz Yeniayın bu gün seçki kampaniyası zamanı baş verən hücumla bağlı sosial media hesabından verdiyi açıqlama deyib.