Aktual mövzular: Dollar alış-satışı, Neftin qiyməti, COP29, Hava proqnozu

''Şahənşah'' restoranında zəhərlənmə ilə bağlı toy sahibi danışdı: Bəyin vəziyyəti hələ normallaşmayıb

''Şahənşah'' restoranında zəhərlənmə ilə bağlı toy sahibi danışdı: Bəyin vəziyyəti hələ normallaşmayıb

Tarix: 18 Noyabr 2019 13:27

Bakı. Ceyhun Ələkbərov - Trend:

Bir neçə gün əvvəl Bakıda "Şahənşah" restoranında baş vermiş zəhərlənmə ilə bağlı bəzi detallar məlum olub.

Bəyin qardaşı Taleh Şəmsəddin oğlu Məhəmmədov Trend-ə bildirib ki, toyda ən azı 10 nəfər zəhərlənib:

“İlk zəhərlənənlərdən biri dayım oğlunun ailəsi olub. Həmin şəxsin də bir neçə gün əvvəl toyu olub və xanımında zəhərlənmə daha ciddidir. Təcili yardıma müraciət etdikdən sonra onlar Leyla Şıxlinskaya adına xəstəxanaya aparılıblar. Dayım oğlunun mədəsi yuyulub, yoldaşında isə zəhərlənmə qanına keçdiyinə görə, hələ də ev şəraitində müalicə alır”.

T. Məhəmmədov qeyd edib ki, qardaşı Elvinin (bəy) vəziyyəti hələ də normallaşmayıb, amma buna baxmayaraq restoran faktı təsdiqləmir:

“Toydan bir gün sonra restoranla əlaqə saxladıq və baş vermiş hadisəni bildirdik, ancaq onlar "belə bir şey ola bilməz" dedilər. Toyda böyüklərdən başqa, uşaqlar arasında da zəhərlənmə olub, amma xoşbəxtlikdən onlarda ciddi pozuntu aşkarlanmayıb”.

Bəyin qardaşı əlavə edib ki, xəstələrin çağırışına gələn təcili tibbi yardım briqadası onların qidadan zəhərləndiklərini təsdiqləyib.

Trend-in ən mühüm və maraqlı xəbərlərini "Telegram"da izləyin


Etiketlər:  Şahənşah restoranında zəhərlənmə ilə bağlı sahibi danışdı Bəyin vəziyyəti hələ normallaşmayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ