Aktual mövzular: Dollar alış-satışı, Məzənnə, Neftin qiyməti

Daha bir ölkə “Mir”dən imtina etdi

Daha bir ölkə “Mir”dən imtina etdi

Tarix: 3 Aprel 2024 18:20

Qırğızıstan bankları "Mir" ödəniş sisteminin bir hissəsi olan Rusiya kartları ilə əməliyyatların aparılmasını dayandırıb.

Milli.Az report-a istinadən xəbər verir ki, bu barədə "Elkart" milli ödəniş sisteminin operatoru olan Qırğızıstanın "Banklararası Prosessinq Mərkəzi" QSC-nin saytında məlumat yayılıb.

Məlumata görə, aprelin 3-dən etibarən "Mir" kartlarının istifadəçiləri üçün kartdan karta köçürmələr və s. əlçatmaz olub.

Qeyd edilib ki, bu ilin fevral ayında ABŞ Maliyyə Nazirliyinin xarici aktivlərə nəzarət üzrə məsul bölməsi "Mir" ödəniş sisteminin kart operatoru olan "Milli Ödəniş Kartları Sistemi" ASC-yə qarşı sanksiyalar tətbiq edib. İkinci dərəcəli sanksiyalar riskini minimuma endirmək üçün Qırğızıstan tərəfi daha sonra respublika ərazisində "Mir" kartları ilə əməliyyatların aparılmasından imtina etməyə məcbur olub.

Qırğızıstan Milli Bankı belə məsələlərlə bağlı kommersiya banklarının işinə müdaxilə etmək səlahiyyətinin olmadığını bildirib və əmin edib ki, banklar hansı ödəniş sistemi ilə işləyəcəklərinə müstəqil qərar vermək hüququna malikdirlər.

Milli.Az


Etiketlər:  Daha bir ölkə Mirdən imtina etdi


RƏYLƏR



Populyar Xəbərlər

XƏBƏR LENTİ