Aktual mövzular: Dollar alış-satışı, Məzənnə, Neftin qiyməti

Orenburq dənizi xatırladır... - FOTOlar

Tarix: 13 Aprel 2024 12:50

Hazırda Rusiyanın Orenburq vilayətində daşqınlarla əlaqədar vəziyyət gərgin olaraq qalır.

Milli.Az qafqazinfo-ya istinadən xəbər verir ki, bu barədə məlumatı Orenburqun meri Sergey Salmin öz teleqram kanalında açıqlayıb.

Onun sözlərinə görə, Ural çayında suyun səviyyəsi artmağa davam edir. Belə ki, çayda suyun səviyyəsi 1162 santimetrə çatıb və təhlükəli səviyyə hesab edilən 930 santimetri ötüb.

Bildirilir ki, ötən sutka ərzində 402 ərazi və 210 evi su basıb. Bununla da, su altında qalan ərazilərin ümumi sayı 5365-ə, evlərin sayı isə 2897-yə çatıb.

Qeyd edək ki, vilayətdə federal xarakterli fövqəladə vəziyyət rejimi elan edilib. İlkin məlumata görə, infrastruktura vurulan zərər 40 milyard rubl olaraq qiymətləndirilir.

Milli.Az