Zabitlər Tavuşdakı mövqelərdən geri çəkilmir?

Tarix: 26 May 2024 01:10

Zabitlərin Tavuşdakı mövqelərdən geri çəkilmək əmrini yerinə yetirməkdən imtina etmələri barədə internetdə yayılan məlumatlar tamamilə yalan, qəsd və uydurmadır və reallıqla heç bir əlaqəsi yoxdur.

Sonxeber.net axar.az-a istinadən xəbər verir ki, bu barədə Ermənistan Müdafiə Nazirliyinin bəyanatında deyilir.

Nazirlik Ermənistan ordusu, komandirləri və digər şəxsi heyəti haqqında həqiqətə uyğun olmayan məlumatları dərc etməkdən çəkinməyə və yalnız idarənin rəsmi məlumatlarına əsaslanmağa çağırır.

Qeyd edək ki, mayın 25-də Ermənistanın baş naziri Nikol Paşinyan Tavuş vilayətinin sərhəd kəndlərinə səfər edib və orada MTN Sərhəd Qoşunlarının nümayəndələri ona Azərbaycanla sərhədin delimitasiyası prosesi barədə məruzə ediblər.