Aktual mövzular: Dollar alış-satışı, Məzənnə, Neftin qiyməti

Elvin Cəfərquliyev: “Çalışıram ki, belə hallar bir də olmasın”

Elvin Cəfərquliyev: “Çalışıram ki, belə hallar bir də olmasın”

Tarix: 27 May 2024 14:20

"Mövsümdə çıxışımız çox əla alındı".

Milli.Az xəbər verir ki, bunu  İdman.Biz-ə "Qarabağ"ın futbolçusu Elvin Cəfərquliyev deyib.

O, Azərbaycan Premyer Liqasında qızıl medal qazandıqları 2023/2024 mövsümünü dəyərləndirib. Cəfərquliyevin sözlərinə görə, ili möhtəşəm keçiriblər: "Qarşıda bizi Azərbaycan kubokunun finalı gözləyir. Bütün diqqətimizi buna yönəltmişik. Hələ heç nə bitməyib. "Zirə" yetərincə təcrübəli komandadır. Bu qarşılaşmada da qələbə qazanmaq üçün var gücümlə çalışıb kuboku əldə etmək istəyirik. Ölkə çempionu olduğumuz üçün bütün azarkeşlərimizi, məşqçilər korpusunu və rəhbərliyi təbrik edirəm. Düşünürəm ki, bu bizim haqqımız idi və sonda da qismət oldu".

Cəfərquliyev Çempionlar Liqası barədə danışmağın hələ tez olduğunu deyib: "Təbii ki, bu matçlarda da yaxşı nəticə üçün çalışacağıq. Hər bir oyuna daha məsuliyyətli və prinsipial yanaşacağıq. İnanırıq ki, qələbələr əldə edərək növbəti mövsümdə də yeni tarixlərə imza atacağıq".

O, mövsüm ərzində aqressiv davranışına da münasibət bildirib: "Bununla bağlı üzərimdə işləyirəm. Çalışıram ki, belə hallar bir də olmasın".

Qeyd edək ki, "Qarabağ" Azərbaycan kubokunun finalında "Zirə" ilə iyunun 2-də üz-üzə gələcək.

Milli.Az


Etiketlər:  Elvin Cəfərquliyev Çalışıram ki belə hallar bir olmasın


RƏYLƏR



Populyar Xəbərlər

XƏBƏR LENTİ