Aktual mövzular: Dollar alış-satışı, Neftin qiyməti, COP29, Hava proqnozu
Tarix: 14 Iyul 2024 21:26
Azərbaycanın yeniyetmə voleybolçulardan ibarət millisi təlim-məşq toplanışı üçün Türkiyənin Ankara şəhərinə yola düşüb.
Azərbaycan Voleybol Federasiyasından Sonxeber.net-a verilən məlumata görə, komanda qardaş ölkənin U-16 yığması ilə birlikdə toplanış keçəcək.
İyulun 18-ə kimi davam edəcək birgə təlim-məşq toplanışı çərçivəsində komandalar arasında yoxlama oyunları da təşkil olunacaq.
Yeniyetmə və gənc qızlardan ibarət milli komandaların rəhbəri Şahin Çatma Ankaraya 16 idmançı ilə yollanıb. Bu voleybolçular düşərgələrdə fərqlənən 13-14 yaşlı qızlardır.
Təlim-məşq toplanışında Şahin Çatmaya məşqçi Hamid Anvari kömək edəcək.