Gözləri gücləndirən 7 qida

Tarix: 9 Avqust 2024 18:36

Bəzi qidaların gözləri gücləndirdiyi iddia olunur.

Sonxeber.net "Unikal"a istinadən gözlərə yaxşı təsir edən qidaları təqdim edir:

1. Kök:
Kök əsrlərdir gözlərə faydalı olduğu bilinən qidadır. Bol A vitamini ehtiva edən və B, C, D və E vitaminləri ilə zəngin olan yerkökü, tərkibindəki karoten, şəkər və fosforla da göz sağlamlığına müsbət təsir edir. Gözlərimizi qorumaq və gücləndirmək üçün gündə bir və ya iki orta boy kök yemək kifayətdir.

2. Yumurta:
Yumurta güclü zülal, vitamin və antioksidant mənbəyidir. Eyni zamanda, C və E vitaminləri ilə zəngin qidalardan biridir. Tərkibindəki çox miqdarda sink sayəsində gözlərimiz üçün önəmli rol oynayır, göz xəstəlikləri riskini azaldır. Gündə bir yumurta yemək göz sağlamlığını dəstəkləyir.

3. Yaşıl tərəvəzlər:
Bütün yaşıl tərəvəzlər göz sağlamlığı üçün yaxşıdır. İspanaq, kahı, kələm, brokoli və brüssel kələmi kimi tərəvəzlər gözün tor qişası üçün xüsusilə faydalıdır, çünki onların tərkibində beta karoten, lutein və zeaksantin var. Tərkibindəki yüksək C və E vitamini ilə də göz sağlamlığına böyük fayda verir.

4. Sitrus meyvələri:
Göz sağlamlığı üçün tərəvəz istehlakı qədər meyvə istehlakı da vacibdir. Bu nöqtədə ən yaxşı seçim, şübhəsiz ki, sitrus meyvələridir. Naringi, portağal, limon və qreypfrut kimi sitrus meyvələri tərkibindəki yüksək miqdarda C vitamini sayəsində göz sağlamlığı üçün faydalıdır və tor qişa problemlərinin qarşısını alır. 

5. Qırmızı ət:
Göz sağlamlığı üçün ət istehlakına laqeyd yanaşmaq olmaz. Zülal, dəmir və sinklə zəngin olan qırmızı ət B qrupu vitaminlərinin mühüm mənbəyidir. Qırmızı ətdə olan, qan azlığının qarşısını alan və tərkibindəki dəmirlə qan istehsalını dəstəkləyən B12 vitamini sinir sistemində də mühüm rol oynayır. Qırmızı ət istehlakı bədənin sink ehtiyacını böyük ölçüdə ödədiyi üçün onun göz sağlamlığı üçün faydaları qaçılmazdır. Qırmızı ət həftədə 2-3 dəfə istehlak edilməlidir. İdeal gündəlik ət istehlakı 70-100 qramdır.

6. Balıq:
Digər heyvan mənşəli qidalardan fərqli olaraq, balıq doymuş yağ əvəzinə doymamış yağ turşuları adlanan omeqa3 yağ turşularını ehtiva edir. Omeqa3 bədən tərəfindən istehsal olunmayan və daha çox balıqda olan son dərəcə faydalı bir yağdır. Eyni zamanda,o, göz quruluğundan qoruyur. Balıq yağda həll olunan vitamin və minerallarla da zəngindir. 

7. Qoz-fındıq:
Tərkibində antioksidanlar olduğuna görə qoz-fındıq göz sağlamlığı üçün son dərəcə faydalıdır. Onlar, həmçinin, yüksək Omeqa 3 tərkibinə malikdirlər. Püstə, badam, fındıq, qoz, anakardiya və günəbaxan tumlarında yüksək miqdarda lutein var. Qoz-fındıq qovurmadan çiy istehlak etməkdir. "Makulyar degenerasiya başlanğıcı olan insanlara gündə bir ovuc qoz-fındıq yemək tövsiyə olunur.