Aktual mövzular: Dollar alış-satışı, Neftin qiyməti, COP29, Hava proqnozu

Zəhərli köpüklə selfi çəkən hindlilər - FOTOlar

Tarix: 19 Oktyabr 2024 20:12

Hindistanın Yamuna çayının səthi zəhərli köpüyə bürünüb.

Sonxeber.net qafqazinfo-ya istinadən xəbər verir ki, bu barədə "Times of İndia" məlumat yayıb.

Görüntülər isə maraqlı olduğu qədər həm də təhlükəlidir.

Belə ki, zəhərli köpük çayın axdığı Yeni Dehli şəhərində havanın keyfiyyətsiz olması və kanalizasiya sularının Yamunaya axıdılması nəticəsində əmələ gəlib. Yerli mətbuat sakinlərin marağına səbəb olan, lakin təhlükə saçan çayın təmizlənməsi üçün ayrılan vəsaitin "yoxa çıxdığını" iddia edir.

Yüksək ammonyak və fosfatı özündə birləşdirən bu köpük təbəqəsi insan oraqanizmində ciddi fəsadlara yol aça bilər.

Digər tərəfdən zəhər qatı noyabrın 5-də keçirilməsi nəzərdə tutulan yerli bayram "Chhath Puja"nı da sual altında qoyur.

Mənbə qeyd edir ki, ənənəyə görə, festivalda kahinlər çayda günahlarından təmizlənməli olsalar da, daha çox "çirk"ə batacaqlar.