Rusiyada 6 azərbaycanlı saxlanıldı - Cinayət işi açıldı - VİDEO

Tarix: 22 Yanvar 2025 18:20

Tverdə saxta spirtli içki və tütün satışı ilə məşğul olan mütəşəkkil cinayətkar qrupun fəaliyyəti dayandırılıb.

Sonxeber.net xəbər verir ki, təhlükəsizlik qüvvələrinin TASS-a verdiyi məlumata görə, əməliyyat zamanı altı azərbaycanlı saxlanılıb.

"Saxta məhsullar Tver şəhərində və vilayətin bir neçə rayonunda satılıb", - deyə agentliyin həmsöhbəti bildirib.

O qeyd edib ki, hüquq-mühafizə orqanlarının əməliyyatı Tverdə Komintern küçəsi və Tsanov bulvarındakı anbarlarda keçirilib. 100 milyon rubl (1,7 milyon manat) dəyərində məhsul müsadirə edilib. Müsadirə edilənlər arasında araq, viski, konyak, tekila qutuları var.

Bildirilir ki, saxta məhsulların satışı ilə bağlı cinayət işi açılıb. Müsadirə edilmiş məhsulların vətəndaşların sağlamlığına zərər dərəcəsi müəyyənləşdirilir.