Nüvə gücləri arasında toqquşma riski artır - Rusiyadan XƏBƏRDARLIQ

Tarix: 24 Yanvar 2025 13:32

Beynəlxalq səhnədə böyük dövlətlər arasında geosiyasi rəqabət güclənir və nüvə gücləri arasında güclü toqquşma riskləri artır.

Sonxeber.net xəbər verir ki, bunu TASS-a müsahibəsində Rusiya Federasiyası Təhlükəsizlik Şurasının katibi Sergey Şoyqu deyib.

"Dünyada münaqişələrin artması və geosiyasi rəqabətin kəskinləşməsi fonunda nüvə gücləri də daxil olmaqla böyük dövlətlər arasında şiddətli toqquşma riskləri artır", - Şoyqu qeyd edib.

Şoyqunun sözlərinə görə, Qərb ölkələri Rusiya və Belarusa qarşı "ideoloji və dəyərli təcavüz"ə əl atıb və təkcə iqtisadi sanksiyaların köməyi ilə deyil, həm də ölkələrdə daxili siyasi sabitliyi pozmağa çalışırlar.

Rusiya Təhlükəsizlik Şurasının katibi qeyd edib ki, daxili vəziyyəti sabitsizləşdirmək, sosial əsasları sarsıtmaq və yad neoliberal ideologiyanı tətbiq etmək cəhdləri davam edir.

Xatırladaq ki, ABŞ-nin yeni prezidenti Donald Tramp Rusiyanı Ukrayna ilə müharibəni dayandlrmağa çağırıb. Əks halda ağır sanksiyalarla hədələyib./ucnoqta.az