Həkim-diyetoloqların heç vaxt yeməyəcəyi məhsullar

Tarix: 17 Dekabr 2019 09:00

Ən tanınmış həkim-diyetoloqlar heç bir şəraitdə yeməyəcəkləri məhsulları açıqlayıb. Bu barədə "Everyday Health" nəşri yazıb.

Sonxeber.net "qafqazinfo"-ya istinadən həmin mütəxəssislərin fikirlərini təqdim edir:

Kolbasa, sosiska, bekon

Diyetoloq Bonni Taub-Diks deyib ki, heç vaxt emal olunmuş ət yeməyəcək. O, bunun səbəbini belə izah edib:

"Tədqiqatlara əsasən, yüksək miqdarda emal olunmuş ətlə (bekon və kolbasa) zəngin pəhrizlər xərçəng və ya ürək-damar xəstəliklərindən ölüm riskini artıra bilər".

Şirin kofeli içkilər

"Kofe verilən məkanlarda bu qeyri-adi qarışıq içkilərin tərkibində 400-dək kalori və 15 çay qaşığı şəkər ola bilər!", - diyetoloq Coanna Sakimura deyib.

Amerika Kardiologiya Assosiasiyası gün ərzində kişilər üçün 6 çay qaşığı və ya 100 kaloridən çox, qadınlar üçün isə 9 çay qaşığı və ya 150 kaloridən çox əlavə olunmuş şəkər qəbul etməyi məsləhət görmür.