Aktual mövzular: Dollar alış-satışı, Neftin qiyməti, COP29, Hava proqnozu

Miqrasiya orqanlarında işləmək istəyənlərin NƏZƏRİNƏ

Tarix: 17 Dekabr 2019 15:20

Dövlət İmtahan Mərkəzi 2019-cu il dekabrın 21-də Dövlət Miqrasiya Xidməti ilə birlikdə Azərbaycan Respublikasının miqrasiya orqanlarına qəbul olmaq istəyən namizədlər üçün test imtahanı keçirəcək.

Dövlət İmtahan Mərkəzindən Sonxeber.net-a verilən məlumata görə, test imtahanı DİM-in Nəsimi rayonu, A. Salamzadə küçəsi 28 ünvanında yerləşən binasında keçiriləcək.

İmtahanda iştirak üçün 252 nəfərin namizədliyi qeydə alınıb. İmtahan kompüterlər vasitəsilə elektron qaydada aparılacaq. İmtahan bitdikdən sonra namizədə nəticələri haqqında arayış təqdim olunacaq.

Namizədlər imtahana şəxsiyyəti təsdiq edən sənədin əslini gətirməlidirlər.

Buraxılış rejiminin və namizədlərin yerləşdirilməsinin təmin olunması üçün namizədlər imtahan verilən binanın qarşısına saat 9.00-dan gec olmayaraq gəlməlidirlər.
İmtahan saat 10.00-da başlayır.

Whatsapp ilə göndər