Aktual mövzular: Dollar alış-satışı, Məzənnə, Neftin qiyməti

"Finalın Bakıda keçirilməsi gülməlidir" - Klopp

Tarix: 10 May 2019 18:00

"Liverpul"un baş məşqçisi Yurgen Klopp Avropa Liqasının final matçının Bakıda keçirilməsinə münasibət bildirib.

Qol.az xəbər verir ki, almaniyalı mütəxəssis Britaniya mətbuatına açıqlamasında UEFA-nın qərarının gülməli olduğunu bildirib:

"Finalın Bakıda keçirilməsi gülməlidir. Bilmirəm, bu qərarı verənlər səhər nə yeyirlər. Ötən il biz Kiyevə getmişdik. Bəli, ora gözəl şəhərdir. Ancaq Rusiyanın və ya dünyanın bu hissəsindən çətin ki, hansısa komanda finala çıxsın. Məsuliyyətsiz qərardır".

Azarkeşlərin Bakıya səfərinin çətin olacağını bildirən Klopp Çempionlar Liqasının finalının Madridə salınması barədə də danışıb: "Bakıya necə getmək olar? Mütəmadi reyslərin olması barədə anlayışım yoxdur. Belə qərarlar daha şüurlu verilməlidir. Eşitmişəm ki, Madriddə adətən 100 funt-sterlinqə götürə bildiyiniz mənzil üçün indi 2700 funt-sterlinq ödəməlisiz. Bu ağlasığmazdır. Nə deyə bilərəm? Azarkeşlər üçün çox təəssüflənirəm”.

Xatırladaq ki, Kloppun çalışdırdığı "Liverpul" ÇL-in finalında "Tottenhem"lə qarşılaşacaq. Avroliqanın finalı isə mayın 29-da Bakı Olimpiya stadionunda "Çelsi" və "Arsenal" arasında keçiriləcək.
 


Etiketlər:  Finalın Bakıda keçirilməsi gülməlidir Klopp



RƏYLƏR


Populyar Xəbərlər

XƏBƏR LENTİ