Pakistanda naməlum şəxslər hotelə hücum edib

Tarix: 11 May 2019 19:28

Bakı. Trend:

Pakistanda bir neçə silahlı şəxs 5-ulduzlu "Pearl Continental" mehmanxanasına hücum edib.

Trend-in məlumatına görə, hadisə ölkənin Belucistan vilayətinin Qvadar şəhərində baş verib. Yerli KİV-lər hücum nəticəsində təhlükəsizlik qüvvələrinin nümayəndəsinin öldüyünü bildirilir.

Ölkə ordusunun məlumatına görə, hal-hazırda ərazi mühasirəyə alınıb: "Təhlükəsizlik xidmətlərimiz rayonu bloklaşdırıb və mehmanxananın üst mərtəbəsinə aparan pilləkəndə terrorçuları mühasirəyə alıb".

Ehtimal olunur ki, hotelə 3-4 terrorçu daxil olub.

"Pakistan Today" dərcinin daha öncə yaydığı məlumata görə, hoteldə 70-ə yaxın insan var, onlardan 40 nəfərin Çin vətəndaşı olduğu bildirilir.

xəbər yenilənəcək

Trend-in ən mühüm və maraqlı xəbərlərini "Telegram"da izləyin